Les mots surlignés font l'objet d'une note
1Monseigneur, suyvant la missive quil vous a pleu nous escripre du
2cinquiesme de ce moys, contenant que monsieur le seneschal vous
3a dict, qu’avyons lettre de votre seignorie de ne mectre à la garde du
4chateau que de catholiques et que vous envoyssions ladite lettre,
5et combien que, à la vérite, icelle lettre ne contiègne que missions
6à ladite garde que de catholiques, toutesfoys, pour vous obéyr
7comme vouldrions en toutes choses, vous envoyons ladite lettre
8datée du XXIe may dernier. Loccasion, monseigneur, qua esté
9quayons mis à ladite garde de soldatz catholiques a esté
10pour evicter quil nadvins quelque debat comme estoit à craindre,
11se treuvant jeusnes gens de nuyt dans ledit chateau de diverses
12religions et navons entendu que personne sen pleigne, vous
13plairra nous faire entendre votre vouloir et intention. Nous, suyvant
14les commissions par vous, monseigneur octroyées, avons logé les
15compagnies corses sen allans en Provence, aussi la compagnie
16du cappitaine La Combe et combien que lesdites commissions portassent
17de payer raisonnablement, toutesfoys, nous voulu du tout rien
18payer, disans que ce mot raisonnable en pourtoit de ne rien payer ;
19quest cause à ce que une autre foys soyons mieulx instruictz
20de votre volanté que nous vous prions bien fort nous faire
21entendre si voulés quilz payent ou si entendés quilz ne payent,
22pareilhement nous commanderés votre bon plaisir et à tant ferons
23fin, priant le Créateur vous augmenter
24Monsieur, en bonne et longue vie en tout prospérité ses dons et
25grâces. Du Montelhimar, ce Xe julhet 1572.
26Vos humbles serviteurs les consulz de
27Montelhimar et pour iceulx
28Colas, secretaire
29Monseigneur, nous vous renvoyons le pacquet
30de lettres quil vous pleust nous mander pour
31faire tenir à messieurs de Bazemont pour
32ce quilz estoient jà partis advant
33la reception dicelles pour sen aller
34à Grenoble.